THINGZÂR LÊNBUANG IANG

Awnthing ni lo mahse,
A zâr hluai e,
Thla a muang e;
Ka ta'n ding reng se.

Û'pa tawng lo kei ariang,
'Se amah ka ring,
Thingzâr lênbuang a iang;
Ka tawnah a ding.

Tu dang ka ngâi lo'ng e,
A kiangah awmin,
Lunglêng zawng a hnêm e;
A biahthu ngaiin.

Ka tâwnah ding reng se ka ti,
A pârzu dâwnin,
Damlaini chhiar nuam ka ti;
Tu dang ngâi lovin.

'Se maw Khuanu ruat chu e,
Kumtluang ta'n ni lo,
Ding reng lovin tliak dâwn e;
Chelh ding theih si lo.

I zâr daihhlim chang tawh lo mah ila,
Ka nghilh bîk lo'ng a che,
Zalêng dang ta'n lo zâr zél tawh la;
Duhsakna ka hlân a che.

26th February,  2018, Serampore College.