KHUANU ZAHNGAI

Vângkhua a ngui ruai e,
Romei a zâm khup mai,
Thangvân a thim mup mai;
Khuangruah a sur buan e.

Khua a thim,
Êng a thim,
A thim vek;
A reh vek.

Zanmu chhin a har,
Tawnmang nei a har,
Thlaphâng a nâ;
Ngaihtuah a nâ.

Phâiah tui a lian e,
Tlângah lei a min e,
Chhiatna a thleng;
Thihna a thleng.

Zah ngâi, zah ngâi,
Zah ngâi hrâm rawh,
Khuanu kan ngâi;
Zah ngâi hrâm rawh.

                         (Serampore College, 27th June 2018)

NOTE: He Hlahril hi Zoram Khawvel hmun hrang hranga awm, Ruahsur nasat avanga chhiat tawkte pualin ka hlan e!