AN ODE TO VINCENT HEKTE

(Zaithiem Vincent Hekte Hmar Inpakna)

Sakhmel mawina inzawt ding nilovin,
Thiemna le varna kheksuok pui ding nichuong lovin,
Lunglai hnema, lungril fang zawi zawi theih;
Aw-rawl mawina, zaithiempa inpakna lem lo ni ie.

Ralkhat hrietna khan ieng chang lo,
Chanchin hrietna khan ieng kuok bawk lo,
Tak ram belchieng ngei hin maw lo nih;
Chieng lem zaithiem zie chu.

A chun chu aw-rawl ngei chu ie,
Ka lo ngaithlak ve tah ie,
Ral thuthang mei mei chang ta lo;
Tak ram nabeng ngeiah maw lo luong lut.

Mi fang zo ngei ie ka lungril hi,
Mi tawk ngei ie ka ruongam hi,
Hieng lawm zaithiem um tak ang maw ie;
Hringmi hieng zat lai hin.

Vawikhat ngaithlak huntawk a nawh,
Nikhat ngaithlak hun tawk a nawh,
Nitin zantin khawm hin;
Hun tawk naw nih aw, hieng lawm zaithiem hi.

Hieng lawm hin zaithiem che maw,
Hieng lawm hin aw-rawl mawi che maw,
Khuonu hin a lo duot bik che ngei ie;
Vangthat chungchuong bik ie maw.

I aw-rawl mawina hmang hin,
Lungngai, Lungleng le Khawsawt hai,
Lo hnem ta la maw ie;
Nangma zar lo zo raw se.

Zai la, zai pei rawh ie,
Hi leihnuoi ram zau a hin,
Khuonu malsawmna changing;
Fe pei rawh le.

(Zawlbuk, Shillong: 14th Of July, 2013)
**Hi poem hi tulai Hmar zaithiem Vincent Hekte kan pakna anih.