LALLAWMTLING INPAMNA HLA

Zirna run sang bela singkhuol ka cham sungin,
Fam thlipui nunrawngin maw lo thuoi hmang,
Tuorthiem ahar mumang el changsien ka nuom;
Sienkhawm tak ram chang lo ni si maw!

Thei chang sien maw i vul lai ni,
Hruol hrui ang kei sei ka nuom ngei,
I vul lai tawi luo ie maw;
Mumang chang mawlh si lo hin!

I damsung thilthaw that hai,
Tienlai inchang mawlh ding hi,
Ka dawn ngam naw ngei ie;
Tak ram hi mumang chang sien ka nuom!

I mi ditsakna, I mi thu cha hai,
Ka dawn kirin lairilah a cham,
I sakhmel nuisieu te kha;
Innghil naw ning kumsul tam liem sienkhawm!

I maksan i sung le kuohai,
I then le ruol, i khuo le venghai,
Lunglai a thawng ngei ie;
Luoithli nul kan bang thei nawh ie!

Tap hla kan zawt ie,
I rauthla bekin lo ngaithla sien,  
Nang ngaia singmit luoithli kan nul hi;
Mi hung thlir ve ta’m aw!

Kumsul liemin hun thar ni thar her suok sienkhawm,
Nang nghilzai rel bang nawng kan tih,
I rauthla bekin hung fang hlak la;
Taplai nau ang kan bang na din!

Muong ten pa kuoma chun va leng ta la,
A chun lo chawl hadamin
Natna um ta lona rama chun;
Hal-loten milo hmuok rawh aw!

(Zawlbuk, Shillong 19th Feb, 2013)

THINA HI ALO NUNRAWNG NGEI MAW???
Pi.Lallawmtling Hmar, Mi ditsak em em tu le thucha tha tak tak mi hrilhtu in muol a milo liemsan el hi tuor intak ka tiin hril ding kan vai. A damnaw thut chanchin chu zani zan khan Agape Weekly facebook Page a khan ka tiemzo chieha, vawisun zingkar khan ka nu ka phone-a, a damzo anring tanaw thu a mi hrilha, chuonglai zing chun nakie met khan Muolhoi Boruok groupah U Rissa in a thithu a hung post chun ka lungril a thawng ngei de!
Ka nu tak ninaw sienkhawm kan chintet anthawka in inhnaih, kohran khat, ka nu leh kohran programme haia inthlawp tak anni leiin kan inngaina tlang hlea, kan chunga a thatnahai ka ngaituo in a ropui ka ti hle...Tuta tuma Krismas le Kumthar chawla ka hung kan chukna hmun tienga ka fe nawk ta ding, Chawlni nuhnungtak zantieng khan Bufakah ami fiela, thu tam hrilnaw sienkhawm a thu mincha hai kha theighil thei naw ning! Bufak khawma kan inchibai kha kan inhmu tawpna ding tak alo ni ta maw....
Nu Lawmtling, hi taka hin nang ngaiin ka khatin kalo trap vawng2 ie.......
Hi thu hi ama ka hrietzingna dinga ka zieksuok a nih...
Upa.Lalthuoplien Hmar le a sunghai Lalpan thlamuon mawlh raw se......