CHHIATNA AU AW

(Lament for Durtlang)

Pathian malsawmna dawngah an inngai,
Sawrkar hamțhatna dawngah an inngai,
Himah an inngai;
Damah an inngai.

An hlim, an lâm,
Damlaini an chhiar,
An lawm, an âm;
Hringnun an chhiar.

Naktuk hun tur an hre lo,
Khuanu remruat an hre lo,
An dâwn pha lo;
An thlîr pha lo.

An tlan laiin, malsawmna,
An chên laiin, hamțhatna,
Aw! A lo thleng e;
Chhiat a lo thleng e.

A thlen ka phal lo, chhiatna,
A thlen ka phal lo, thihna,
A na em mai;
Tuarhar em mai.

Thinlung a na,
Lungril a na,
Lairil a na;
Rilru a na.

Khuanu zahngai,
Khuapa zahngai,
Min ngaithla, kan țap aw;
Min ngaithla, kan au aw.

Kan thil tihsualnaah, Lalpa,
Min ngaidam langin,
Min din thar langin;
Kan ram tidam leh rawh, Lalpa.
(3rd of July 2019, Serampore College)

**He hlachham/chhamhla hi BSUP Housing Complex, Durtlang, Leitan, Aizawl, Mizorama chhiat tawk te puala ka chham chhuah a ni e.