HAW KA DUH

Phâiah lehkha zir e,
Beisei phâk lohvin;
Hripui lêng vângin,
Chawlh rawn puang e.

Lenrual ten min hawsan,

Sawrkarin min kalhhnan;

Ka tangkhang zirna rûnah,

Mi khârkhip zirna rûnah.

Hâw ka duh Zoram,

Ngaih a nâ Zoram;

Ka pianna ram,

Ka mûrna ram.

Chhuak mawlh silova,

Kâwl a ni;

Êng mawlh silova,

Chung tûr nî.

Sênlai nâu ang țap e,

Hnemtu tawng si lo;

Lam ang lêt duh e,

Chhantu hmu si lo.

Hâw ka duh,

Hruai hâw ka duh;

Kan ram nuam,

Zoram nuam.

**He chhamhla hi Phaia hrileng vânga zirlai tangkhangte puala ka chhamchhuah a ni e.