(hmeltha Lalnu Priyanka Chopra inpakna)
Leihnuoi sakhmeltha nu,
A iengzo reng an um naw kha,
Chuoi chuonglo thangthar zaleng ruol lai khawm,
Chuoilo dinga Khuonu ruot reng lo nih.
Sakhmelmawina chauh hun tawk nawh,
Aw-rawl mawi, zaithiemna khawm,
Khuonu duot bik lanu chu,
An thang pei hi leihnuoi ram zau a hin.
Kawrvai lanu aw, i zuna uoi a na,
Mi fang zo ngei ka lungril hi
Zopa zoram kilkhawr a cheng khawm hi,
Nangma zunah kan lo uoi rawng rawng el ni.
Sakhmel mawina le aw-rawl zaithiemna,
Khel tienga lemchang thiemna,
Mi sukhlimtu, mi hnemtu le mi suklawmtu hi,
I va hang hlu ngei de aw.
Aw, kawrvai pui tawnah nitin tuon rel la khawm,
Ka ngaisang tawp thei naw che,
Khuonu'n a that vurna che hi,
Ava dang dai bik ngei de maw.
Inthang la, inthang pei rawh aw,
Kawrvai ram India a chauh nilovin,
Van khup hnuoia hin inthang suok pei ta raw le,
Chuong chun Khuonu'n a siem san che hi phur suok tang I tih.
(Zawlbuk,Shillong:16th of July, 2013)
Miss World, Actor, Singer Priyanka Chopra hi ka mi ngaisang pawla mi a niha, a pieng nalhna khelah, a lemchang thiemna le a zaithiemna hin a mi hne hlea, chu el baka, tulaia M.C Mary Kom lem a changna ding thua Imphal meuh a hung sir hin a mi tawk zuol hlea, ama inpakna thu ka hung kheksuok pui auh auh el a nih!
No comments:
Post a Comment