BAR THLA LAWMNA

(Welcoming the month of  'Ber')

Aw a hung her suok nawk tah,
Ami zaleng hai nghakhla,
Bâr thla ngei chu ie;
Kan lo tawng nawk der ta maw.

Hun le nihai liemin,
Hun tha le hun beidawng khawm,
A her liem zo ta maw;
Aw, a lo hersuok nawk tah ie lawmna ni.

Keini zo tlangsanga cheng hai,
Kan nghakhla le kan tung,
Sikpui intanna bar thla chu;
Hriet lo karin kan lo tlung der ta chu.

Thinlai na hai hung tho ro,
Lungleng hai hung suok ro,
Lusun hai hung har ro;
Bar thla'n lawmna hung phur a tih.

Busik hunpui,
Thiemzirna tawp tieng,
Kum tawp hun hnai;
Lalpieng champha hnai bawk si!
\
Hlimin lawm ei tiu,
Khekin inchawm ei tiu,
Innuiin lam suok ei tiu;
Bar thla lawmin zai vawr ei tiu.

(Zawlbuk, Shillong: 3rd of September 2013)

*Eini Zonau ha'n kumkhat sunga ei hun nghakhla em em pakhat chu Barthla, September a'nthawka December thla sung hi a niha, kum tawp tieng, tlanglo nei hai busik hun pui, thiem zir hai zir tawp hun tieng, lalpieng hun hnai hun a niha, sungkima inhmu hun, awl len lai le inhawi chen hun a ni leiin anlo nghakhla em em hlak a nih. Chu thil chu hre zingin Bârthla lawmna ka hung kheksuokpui a nih.