ZÂNLALNU

               ~Lawrence S Khawzawl 
Zânlalnu chung chhawrthlapui khi,

A rawn chhuak chhaktiang kâwlrâwnah;

Kan rûnin a rawn chhun êng,

Bâw-âr kâi zânah, a mâwi ngêi e.

Aw hlimna êng Zânlalnu,

I mâwi ngêi e,

I pâr tlânin hlimzâi kan vâwr a,

I sakhmêl pâr iangin kan lâwm.

Aw Zânlalnu, êngno nghial nghial,

I pâr tlânin lêngtin te’n;

Zânmu rêng chhing thei lovin,

Zân khua kan âm.

Zânlalnu, I ên châng hi chuan,

Zânmu tuahrem a har ngêi e;

Lenrualte nen biahthu kan sâmdûn chhûng,

Mual I lo liam leh si țhin.

(Haflong, 13^th November 2008, Fullmoon Night)