Mizo Tlâng Hming Hmingthangte Vol-I & II

BOOK REVIEW

Mizo Tlâng Hming Hmingthangte Vol-I & II

Tlângmi ei inti ang bawkin tlâng rama um hlak ei niha, tlâng hi ei ngâina hle. Tlâng hi umnaw sienchu ie’m chang ei ta le?  Ei umna tieng tieng tlâng ei bawha, ei bâwnâw hâi khawm a hming hâi phuokin  san ṭha tak tak neiin ei ko hlak. Tlâng hin ei nîna a hrilfieha, ei lung a dum a ni deu tak ie. Tuta ei hnam ei umna hâi khawm hi en hman ro, a tamlem chu tlânga um vawng ei ni hih. Tuta ṭuma ei Lekhabu hril ding khawm hi Tlâng chanchin tho a nih. Tlâng ei ngâinatzie  sukchiengtu a ni ngei de. Mizo Tlâng Hmingthangte Vol 1 & II  ti Lalhmachhuana Zofa ziek, lekhabu pakhat chauh khawm nilo, pahni hiela a siem hih lo hei tiem tum ngêi tâm. Ei hla a hâi khawm “Kan tlângram mâwi hring dum dur hi’ ti dâmin ei saka, ei lâma, hla phuoktu dang dang hâi khawma tlâng châwimâwina an phuok ṭeuh bawk a. A ni ngêi luo, hei ngha vêl inla tlâng mâwi tak tak ngawt hmu ding a um hi tie ei rama hâi hin.  A hre naw ha’n an thlîr liem mei mei tlângtin hin hming le chanchin ngâinuomum tak tak an lo nei deu vawng el a. Chuong  ei tlâng hmingthanghâi chanchin, bu hni ngawta Lalhmachhuana Zofa in a hung buotsaih el hi a ropui a tiem chi tak a nih. A man khawm Rs. 200 ve ve a niha, lo hei inchaw la, lo tiem ve ngei ta’m le.

(2nd August, 2014, Guwahati for Zawlbuk Today)