CHÂWLDAM* HMUNAH

Tlâini nêm ruoi ruoi hnuoiah,
Châwldam hmunah thrungmuong hieuvin,
Hun kan tâwi,thawveng sieuvin,Sîrva ha'n min huolvêl sîrvêlah,
Pâr tlâna pauvin hringnun hmang,Senbâwng khawmin hlo tlân in ama suk khawp.

Châwldam thrunghmun thawkin sîngmit ka lên,
An hrâite hringnun âm in hun phâm riei,
Dungte hmunah vâlruolhai sûnni tâwi na'n,
Sanga kuoiin hun chêk vêl riei,
Aw tamluo ie vâlruolhai,
Hringnun chawmte phâmin.

Lunglêng sukzuol ngei hmun hmâng hai hi,
Dâwnin nunhlui liemhnung tharin suok,
Hlimna thar hung pût lungrûk thimah,
Siemtu Khuonu ropuizie hung suok thar,
Chawimawi le inpâk zai relin,A ropui de!
Hril sênglo hlimna hlu,Keima ah mi pêk thar lo ni.

*Chawldam ti hi sap trawnga 'park' ei ti Hmar trawnga ka sie a nih.

Hi hlahril/hlasam hi Haflong Rock Garden hmunah Thlazîng(August),2009 khan kan samsuok a nih.
Nikhat chu College trîn in ka ruolhai nuhmei pahni leh Haflong Lake-a mihai ngakuoi en dingin kan feha,chuonga Dîl kama um Rock Garden a'nthawk thrunghmun rema ka mit ka lên vêl naha ka thilhmu hai chu hi hla hril a hin ka hung insam suok ta anih.Thrê khatna a khin aboruok um dân le ka kuom hnaia thiltlung vate le bâwng hai dâm târlang anniha.Chun,thren hnina a chun ka thrunghmun a'nthawk ka thil zukhmu,mipa naupangte intawlna a intawla hlim sieuva a um dâm,hi hmuna kan fe nasantak tlangvalhai sûnnithlaka lum khawm dawn lova nga ankuoi dâm chu hril lang a ni nawka.Thren tâwp na a chun keima sûngrila thil chêng ka khawsawt suk zuoltu dâm,a hnunga hlimna thar ka hung chang nawk thu dâm tarlangna a nih.