HNAWKSAK MAI KA LO NI!

HNAWKSAK MAI KA LO NI!
                   ~Lawrence S Khawzawl 

Ka dîl, midang tân malsawmna ni turin,

Ka châk, midangte țanpuitheitu nih hi,

Nuam ka ti, țanpui ngaite țanpui thei hi;

Ka hlim, ka duhsâm min hlawhtlin tirin.

Ka dâwn pha ngâi lo, mite hrehawm tûr,

Ka ring pha ngâi lo, mite ngaihdân tûr,

Ka hma ka sial, ka duhsâm thleng tûrin;

Ka bei thin, a vâwrtâwp thleng ngêi tûrin.

Midang tân malsawmna niah ka inngâi,

Midangte țanpuitheitu niah ka inngâi,

Midangte tihlimtu niah ka inngâi;

Midangte ngaihnat niah ka inngâi.

An tâna malsawmna, ka ni lo,

An tâna țanpuitu, ka ni lo,

Anni tihlim theitu, ka ni lo;

Anni ngaihnat zâwng, ka ni lo.

Ka lo dâwn sual lua e aw,

Ka lo dâwn chiang lo a ni,

Malsâwmna nilovin aw;

Hnawksak mai ka lo ni.

(13^th April, 2018, Serampore College)